Македонската ракометна репрезентација го освои четвртото место на Медитеранските игри во Алжир. Избраниците на селекторот Кирил Лазаров во битката за бронза беа совладани од Србија со 29-34 (13-15). Нашите ракометари одиграа добро во првите 20 минути, по изедначена игра го превземаа водството (5-8, 6-9 и 7-10).
Србија се разбуди, со серија од 1-4 и во еден момент тројца играчи повеќе на теренот поведе со 10-11, за кратко време обезбеди плус два, разлика со која заврши првото полувреме (13-15).
Македонија не успеа да фати силен ритам, по 18-20, српските ракометари со нова серија од 1-4 дојдоа на плус пет (19-24) во 42 минута.
Србија поведе со 23-30, со три гола во серија и одбрана на Гогов, нашите момци го прекинаа налетот на противникот (26-30). Но, сепак не остана многу време и простор за пресврт.
Костадин Петров со пет гола беше најефикасен во нашиот тим, додека кај победникот Воркапиќ заврши со шест погодоци.
Лазаров ќе има доволно време за анализа и заедно со овие момци да работат за подобра иднина на националниот ракомет.
