На стадионот „Билјанини извори“ пријателски натпревар одиграа второлигашот Охрид и прволигашот Струга ТЛ. Соседите ги одмерија силите попладнево, но натпреварот не го дочека крајот. Прекинат беше во 75 минута поради силно невреме.
Инако до прекинот Струга имаше водство од 3:1. Првиот гол за стружани го постигна Фатон Јусуфи, а по него Бесарт Ибраими го постигна првиот гол во дресот на струшката екипа.
Третиот погодок беше дело на Абдулхади Јахја.
