Македонскиот каратист Емил Павлов не успеа да се вмеша во битката за медали на Светските игри во Бирмингем, САД.
Павлов кој е единствен наш преставник на Игрите, во рамките на групната фаза забележа три порази. Во првата рунда од групата „Б“, Павлов беше поразен од Бразилецот Винициус Фигуеира, а потоа претрпе порази и во следните две кола од Ксенос Дионисиос (Грција) и од Соичиро Нкано (Јапонија).
Павлов за настап на овие 11. Светски Игри се квалификуваше со освоеното второ место на последното Светско првенство. Инаку самите Светските игри се меѓународен мултиспортски настан, кој опфаќа спортови и спортски дисциплини кои не се дел од програмата на Летните олимписките игри.
