Се одржа првата од четирите трки од Македонскиот куп во далечинско пливање. Првата трка се одржа на езерото Преспа во должина од 2,5 километри, а е во организација на ПК Акваспирит од Охрид.
Па така во машка конкуренција победник е Александар Илиевски од ПК Нептун со време од 28:35 минути, а второто и третото место го заземаа неговите клупски колеги Андреј Стојановски и Михаил Велков.
Во женска конкуренција најдобро време имаше Калина Стојановска исто така од ПК Нептун со време од 34:17 минути, а второто место го освои нејзината клупска колешка Софија Стефановска нешто повеќе од две минути заостанување. Трета на пиедесталот е Ангела Смилевска од ПВК Орион.
Следната трка од Купот ќе се одржи на 24 јули во Крушево, третата и четвртата трка ќе се одржав во август во Охрид (Охридско езеро) и во Велес (Велешко езеро).
