Второлигашот Воска Спорт престави уште едно ново име во тимот за следната сезона. Станува збор за Ајрадин Цуцули, кој ќе биде исклучително засилување за дефанзивата на тимот.
Цуцули во Воска доаѓа од екипата на Гостивар, а во својата кариера играше и во Косово за екипата на Феризај. Ова ќе биде втор камбек за Цуцули во Охрид, со оглед на тоа што речиси година и пол ги бранеше боите на Охрид Лихнидос.
Воска Спорт и Цуцули потпишале едногодишен договор.