Африканскиот фудбал со години „страда“ од местење натпревари, а наместо да се искорени, се чини дека станува се повидлив со ширењето на социјалните мрежи кои разоткриваат бројни афери.
Така на Твитер вирално стана едно видео од натпреварот меѓу Ремо Старс и Ијебу Јунајтед на кој победникот беше решаван во пенал-рулетот. Но она што се случуваше при изведувањето на пеналите, беше најблагоречено – трагично.
При еден од пеналите, голманот на Ремо Старс застана на линијата и не се „мрдна“ кога противникот шутираше, со што му дозволи да постигне рутински гол. Сепак, уште посмешна беше следната ситуација, кога еден фудбалер, чие име се уште не се открива, успеа да ја шутне топката од белата точка како во американски фудбал. Топката не одеше ни блиску до голот, туку заврши речиси надвор од стадионот.
Навивачите на социјалните мрежи коментираат дека во животот не виделе вака наместена средба.
If this isn’t Match Fixing, then I don’t know what it is.
Why is Nigerian football like this? Why don’t we ever want progress??
This is Ogun State FA Cup final between Remo Stars and Ijebu United 💔💔
— Ibukun Aluko (@IbkSports) July 14, 2022
