Анте Чачиќ, тренерот на Динамо Загреб во пресрет на утрешниот меч од 2.квалификациско коло во Лигата на Шампионите и тоа против нашиот првак, тимот на Шкупи, имаше свој коментар.
Јасно е дека “модрите“ се големи фаворити, Динамо Загреб е најголемиот клуб на Балканот, има супер тим, но сепак Чачиќ смета дека треба да се биде максимално сериозен против чаирчани.
“Сите играчи кои играа против Локомотива ќе бидат во комбинација и за мечот со Шкупи. Играме со тим кој постигнува многу голови, без проблем ја освоија титулата во Македонија. Да, ние сме фаворити. Јасно е дека Седлоски добро го знае Динамо, па тој е наш, но сметам дека сепак Динамо ќе оди натаму“ рече покрај другото стратегот на загрепските “модри“.
