Македонската кошаркарска репрезентација во претквалификациите за пласман на Европското првенство 2025 година ќе настапи со ново селекторско име. Денеска КФСМ ја извести јавноста дека со Драган Бајиќ е прекината соработката поради здравствени причини. Екс-предводникот на нашиот најдобар национален тим, не може соодветно да одговори на обврските во следниот период.
Прв кандидат за функцијата селектор е Александар Јончевски. Станува збор за тренер кој долго време има искуство во националниот тим, му беше помошник на Бајиќ, Давитков и на Пипан.
Во овој момент без тренерски ангажман, па ќе биде флексибилен за сериозните предизвици кои ја чекаат Македонија во битката да се врати на европската карта.
СПОРТМЕДИА дознва дека за помошници би можеле да ги има Никола Василев и Ѓорѓи Кочов.
Останува наскоро КФСМ да ги објави своите планови околу селекторската функција.
Македонија претквалификациите ги почнува на на 25. август, против Данска на гости, додека пак три дена подоцна ја пречекува Словачка дома. Во групата со нашите кошаркарки е уште и Норвешка.
