Македонската ракометна репрезентација до 20 години не успеа да приреди изненадување против фавортитот Романија, беше совладана со убедливи 31-21 (15-11). Поразот за „црвено-жолтите“ значи дека шансите за пласман во полуфиналето се изгубени на ЕХФ Шампионатот во Варна.
Нашите ракометари само двапати имаа водство на дуелот (1-2 и 4-5). По последното водство противникот со серијата од 4-0 поведе со 8-5. На другата страна „црвено-жолтите“ успеаја да дојдат на минус два, а потоа целосно паднаа. Романија дојде на плус пет (14-9 и 15-10).
По одморот не се промени ништо, противникот ја продолжи доминацијата, искуството го стори своето, пред крајот негативата изнедуваше 29-18. Македонија на овој шампионат замина со помлади играчи, целта е да се подготват истите за она што допрва доаѓа, ЕХФ шампионатот во Рига.
Во последното коло од групната фаза, Македонија ќе игра против Швајцарија која нема ниту еден пораз.