Комплетниот капацитет на трибинскиот простор на Тренинг центарот „Петар Милошевски“ при ФФМ, е распродаден за утрешниот дуел меѓу Македонија ЃП и ЦСКА од Софија.
„Лавовите“ вечерва потврдија дека сите билети кои беа пуштени во продажба за утрешниот дуел од 2. коло во елиминацискиот дел од Конференциската лига се распродадени. Ако се знае дека за мечот беа пуштени во продажба 1250 билети, тоа значи дека утре ќе има одлична атмосфера на дуелот кој почнува од 17.30 часот.
