Екипата на Македонија ЃП на првиот дуел од второто коло од квалификациите за КОнференцијската лифа во Скопје предмалку одигра 0:0 против тимот на ЦСКА Софија, и во Бугарија за една недела ќе замине без предност.
Во дуел во кој противникот имаше предност единствено поради лошата одлука на арбитарот Де Брисе, кој неоправдано го исклучи домашниот играч Матеус, се останато беше за заборав. Дуел во кој и обата тима имаа само по една до две ситуации за гол и ниту една не беше искористена, нашиот претставник во Софија ќе мора да постигне гол ако сака да мине понатаму.
Првиот дел од овој дуел го одбележа исклучиво, црвениот картон за Матеус, бразилецот во редовите на МЃП. Истиот реално не го заслужи затоа што вториот старт за што доби втора опомена, односно автоматско исклучување реално не беше за таква санкција. Претходно, и обата тима имаа по некој обид, но реално ниту еден не беше со предзнак, стопроцентен. Далеку од тоа. Емини и Стојковски со удари но но не беа некоја посебна закана.
Вториот дел пак, домашните го започнаа со измени, Емини остана во соблекувалната влезе Самаке, а потоа се случи најдобриот фудбалски момент до тогаш. Туфегџиќ зафати еден волеј, но истиот одеше директно во Христијан Стевковски, па овој одлично реагираше и спаси чист гол.
Од другата страна првиот момент кој на домашниот можеше да му донесе евентуално водство беше ударот на Ермедин Адем во 69. Минута кој мина покрај левиот дирек на гостите.
До крајот не мечот ЦСКА Софија имаше некаква полуиницијатива, но ништо конкретно пред противничкиот гол. Конечниот обид за МЃП го имаше Филип Мишевски кој од слободен удар биеше покрај голот.
Македонија ЃП – ЦСКА Софија 0:0 (0:0)
Комплекс Петар Милошевски во Скопје
Гледачи: 1000
Главен судија: Ван Дриш (Белгија)
Ж.картони: Матеус, Самаке (МЃП) Турицов, Махмутовиќ (Ц)
Ц.картон: Матеус (МЃП)
Македонија ЃП: Стевковски, Илиевски, Личина, Мишевски, Зука, Алексовски (Мена Перез 77), Емини (Самаке 46), Адем, Ламос, Ѓурѓевиќ (Скендери 66), Стојковски (Вучичевиќ 77)
ЦСКА: Бусато, Де Нојиер, Махмутовиќ, Кох, Турицов, Шопов, Џеферсон (Јоуга 59), Вион, Морено (Живков 76), Назон (Крастев 59), Маурицио (Туфегџиќ 46)
