Очигледно е дека во поново време во бугарскиот фудбал на цена се тренери од Србија. Прво Саша Илиќ ја презеде клупата на ЦСКА Софија, тим кој што попладнево во Скопје ќе игра со Македонија ЃП, а од денеска и официјално нов селектор на селекцијата на Бугарија е Младен Крстајиќ, познат стратег од Србија, некогашен репрезентативец на својата земја, еден од најдобрите фудбалери во таа земја во последните две децении.
Раководството на Фудбалската федерација на Бугарија денеска го промовира својо нов селектор.
Ова значи дека во септември, Бугарија со Крстајиќ како селектор доаѓа во Скопје на мегдан со Македонија во меч од Лигата на Нации.
