Веќе измина еден месец откако Бојан Миовски е нов член на Абердин, но досега немаше право на настап, само тренираше и тоа на подготовките надвор од В. Британија. И тоа поради немањето работна дозвола. Сепак сега Миовски ги има потребните документи, тоа ни го потврди самиот и веќе во недела ќе може да го има своето деби за еден од најдобрите шкотски клубови. Тој денеска околу 17 часот има закажано лет за Лондон, а потоа ќе патува во Абердин.
Имено Абердин игра против Раит Роверс во Лига Купот на Шкотска, и сите очекуваат Македонецот да настапи и да добие адекватва минутажа, тоа би требало да му биде и деби во дресот на “црвените“.
Да потсетиме дека Миовски во овој летен преоден рок направи трансфер од МТК во Абердин за 535.000 фунти.
