По убедливиот триумф над Луксембург, младинска машка репрезентација на Македонија денеска (12 часот) го игра последниот натпревар на ЕХФ шампионатот кој се одржува во Варна.
Селекторот, Бранко Ангеловски и неговите момци ќе се борат за петото место, а за противник ја имаат селекцијата на Украина. Станува збор за репрезентација со која се сретнаа во групната фаза, првиот дуел заврши без победник 23-23, што пак е најава за нова возбудлива пресметка.
Во финалето на ЕХФ шампионатот ќе се сретнат Израел и Романија, мечот се игра од 17 часот.
