Некогашниот тренер на екипите на Академија Пандев, Беласица, Кожуф, Хоризонт Турново, и селектор на Македонија до 19. години Југослав Тренчовски е нов тренер на екипата на АЛ Араби од Кувајт.
Тренчовски и досега беше дел од овој клуб, но извршуваше другу функции, а сега му е доделена најголемата одговорност,а тоа е тренер на првата екипа.
Се работи за седумкратниот првак на Кувајт, кој минатата година заврши како трет, играше во меѓународните азиски купови.
„Благодарам за честитките. Да точно е дека од вчера сум назначен за прв тренер на Ал Араби. ГОлема одговорност која се надевам ќе ја оправдам и во иднина клубот кој е исклучително ценет и трофеен во овој дел од светот, да постигне уште поголеми резултати“ – ни изјави Југослав Тренчовски.
Заедно со Тренчовски во стручниот штаб на Ал Араби ќе биде и некогашниот младински репрезентативец на Македонија и член на повеќе наши клубови како активен фудбалер, а последно како дел од тренерскиот кадар на Академија Пандев, Томи Пандев, кој ќе биде задолжен секако за голманите во тимот.
