Турски Фенербахче испадна од Лигата на шампионите од Динамо Киев по продолженијата. По 90 минути беше 1:1, а потоа во 114. минута украинскиот тим славеше со голот на Олександр Караваев.
Натпреварот го одбележаа скандирањата на турските навивачи кои провоцирајќи ги Украинците го извикуваа името на Владимир Путин, претседателот на Русија кој на почетокот на оваа година нареди инвазија на Украина.
Мирчеа Луческу, тренерот на Динамо Киев, по ваквото скандирање одлучи да не одржи прес-конференција. Тој по мечот во Истанбул зборуваше само за телевизија. “Игравме како што се договоривме, не се грижевме многу за навивачите. Сепак, не очекував вакво нешто. Ова навивање е хорор, што друго да кажам”, изјави Луческу.
Fenerbahçe fans chanting “Vladimir Putin” after a Dynamo Kyiv player celebrated scoring in this #UCL qualifier.
Absolutely tasteless 👎 pic.twitter.com/NocU0MTpbk
— Nico Cantor (@Nicocantor1) July 27, 2022
