Заврши вечерашниот спектакл на стадионот “Благој Истатов“ на кој по повод 100 години ФК Беласица, во пријателски меч силите ги одмерија славеникот и вечниот ривал Брегалница. Пред околу 3.000 гледачи на трибините, славеа штипските „сини“ со 1:2. Интересен меч, кој за Брегалница ова беше и “генералка“ во пресрет на стартот на сезоната во ПМФЛ.
Први во водство дојдоа доашните со голот на Радојчиќ во 4.минута, но сепак Додев во 23.минута израмни на 1:1.
Во вториот дел Марцелин Гиалдо Биала кој е на проба, во финишот на мечот, со убав гол и донесе победа на Брегалница.
Пред почетокот на спекталот во Струмица, претседателот на ФК Беласица, Славчо Васков – Пинда му додели признание на Горан Пандевм иконата на фудбалска Македонија, кој врати исто со пригодни зборови.
Треба да се каже дека поради проблеми со електричната енергија, овој натпревар доцнеше час и половина.
