Искусниот хрватски дефанзивец Домагој Вида е нов член на тимот на АЕК од Атина. Стоперот летово си замина од Бешикташ, и имаше неколку опции на располагање меѓу кои и враќање во домашниот шампионат, но се одлучи за трансфер во Атина. Потпиша двегодишен договор во кој ќе заработува 1.5 милиони евра по сезона.
Една од главните причини и за преселбата во АЕК, а не враќање во неговиот матичен Осијек да речеме беше неговата желба и натаму да биде дел од репрезентацијата на Хрватска, која за неколку месеци ќе биде дел од Мундијалот во Катар.
