Женската репрезентација на Англија е шампион на Европа, откако на домашен терен на Вембли пред полни трибини ја совлада Германија со 2:1. Репрезентативките на Англија за овој успех ќе добијат по 65.500 евра (55.000 фунти), пренесува Дејли Стар.
Потоа медиумот додава дека тоа е исклучително малку за ваков успех, споредувајќи со заработката на Кристијано Роналдо да речеме кој на своето конто на неделно ниво добива 458.000 евра.
За споредба, машкиот фудбалски тим на Англија зеде 300.000 евра за пласман во финалето и второто место на Евро 2020 година.
