Утрешниот меч на „Френдс Арена“ во Стокхолм очигледно ќе се игра пред добро пополнети трибини. На ден пред натпреварот меѓу АИК и Шкендија во рамките на 3. квалификациско коло од Конференциската лига на УЕФА, шведскиот клуб објави дека досега се продадени 12.000 билети за утрешниот меч.
Капацитетот на „Френдс Арената“ е 50.000 места, но од АИК се надеваат дека до утрешниот почеток на мечот во 19 часот, бројката на продадени билети ќе биде уште поголема. Шкендија исто така очекува поддршка од своите навивачи кои најавија присуство на дуелот во шведската престолнина. АИК за навивачите на Шкендија обезбеди околу 600 билети.
