И тоа го има во модерниот свет, и тоа го има во фудбалот. Имено соиграчот на Ердал Ракип во Малме, извесен Мохамед Буја Турај правел свадба со својата девојка, но на истата тој лично не присуствувал.
По мечот Малме – Дуделанж тој на наовинарите им ја раскажа својата, навистина интересна, приказна.
„Се венчавме на 31 јули во Сиера Леоне, имаше и свадба, но јас не бев таму зошто од Малме ме повикаа да дојдам порано. Фотографиите се однапред направени. Според нив се е направено како да сум бил таму, но јас не бев на сопствената свадба. На самата церемонија ме менуваше мојот брат, исто ме менуваше и на свадбената веселба“ рече покрај другото фудбалерот на Малме.
По ова јасно е дека тој сеуште не ја бакнал својата сопруга како официјално сопруга.
“И тоа ќе бидем набргу ќе дојде овде во Шведска и ќе живее со мене“ посочи Турај.
