Вечерва се играат реванш натпреварите од третото квалификациско коло во Лигата на шампионите. Во центарот на вниманието за нас е Динамо Загреб за кој играат Аријан Адеми и Стефан Ристовски. „Модрите“ се пред пласман во плеј-офот откако во Разград го победија Лудогорец со 2:1. На тој меч хрватскиот првак уште по девет минути имаше водство од 2:0, а во првото полувреме Бугарите намалија и тој резултат остана до крај.
Сега на „Максимир“ момците на Анте Чачиќ ќе треба да ја сочуваат предноста и да изборат место во плеј-офот каде што ќе се соочат со минатогодишната европска сензација Бодо/Глимт кој уште по првиот меч со Жалгирис обезбеди предност од 5:0.
Марјан Радески со Пјуник ќе ја пречека Црвена Звезда. Српскиот шампион на свој терен славеше со 5:0, па ерменскиот шампион има невозможна мисија и веројатно тука ќе заврши нивниот пат во ЛШ и ќе се обидат да изборат место во групите од ЛЕ.
А во Глазгов пред неколку денови се случи чудо. Дебитантот во европските купови, белгиски Ројал Унион Сен Жилоа успеа да го совлада Ренџерс на свој терен со 2:0 со голови на Теума и Ванзер. Белгиската екипа направи крупни чекори во последните неколку години и прерасна во сериозен ривал на помоќните Бриж, Андерлехт и Антверпен.
Ќе видиме како ќе поминат на „Ајброкс“ вечерва.
ЛШ – 3. КВАЛИФИКАЦИСКО КОЛО (РЕВАНШИ)
ЖАЛГИРИС – БОДО/ГЛИМТ 18:00 ч.
Прв меч: 0:5
АПОЛОН – МАКАБИ ХАИФА 19:00 ч.
Прв меч: 0:4
ПЈУНИК – ЦРВЕНА ЗВЕЗДА 19:00 ч.
Прв меч: 0:5
ПЛЗЕН – ШЕРИФ 19:00 ч.
Прв меч: 2:1
МИТЈИЛАНД – БЕНФИКА 19:45 ч.
Прв меч: 1:4
ДИНАМО – ЛУДОГОРЕЦ 20:00 ч.
Прв меч: 2:1
ФЕРЕНЦВАРОШ – КАРАБАХ 20:00 ч.
Прв меч: 1:1
ПСВ – МОНАКО 20:30 ч.
Прв меч: 1:1
ШТУРМ – ДИН.КИЕВ 20:30 ч.
Прв меч: 0:1
РЕНЏЕРС – РОЈАЛ УНИОН СЖ 20:45 ч.
Прв меч: 0:2
