Претстојниот викенд на програмата се петте натпревари од 2.коло во новата сезона во ПМФЛ. Иако од првото треба да се одиграат уште два меча, сепак наредниот викенд ќе имаме цела програма, ако не се смета фактот дека сега Скопје ќе биде слободен зошто Ренова се откажа од настапот во елитата.
Па така во сабота (13 август) на Чаир, шампионот Шкупи ја дочекува Македонија ЃП. Ова веројатно е дербито на колото, мечот започнува во 17 часот.
Во недела (14 август) се играат средбите Работнички – А. Пандев, Победа – Тиквеш, Шкендија – Силекс (се игра во Струга), и во Штип се среќаваат Брегалница и Струга ТЛ, ова е уште едно дерби во ова коло.
