Реал Мадрид петти пат е супер шампион на Европа (видео)

245

Екипата на Реал Мадрид е освојувач на УЕФА Суперкупот по победата над Ајнтрахт Франкфурт со 2:0 во финалето кое се одигра во Хелсинки. „Кралевите“ го освоија петтиот трофеј во Супер купот, а прв по 2017 година.
Карло Анчелоти почна со истите 11 од финалето во Лигата на шампионите. Ајнтрахт играше без еден од најдобрите фудбалери Филип Костиќ кој доби дозвола да направи трансфер во Јувентус.

Во 14. минута Ајнтрахт можеше да поведе, топката дојде до Камада кој излезе сам пред Куртоа но шутна ниско по средината на голот што беше лесен плен за голманот. Три минути подоцна супер шанса за Винисиус, но неговиот шут го изблокира еден дефанзивец на Ајнтрахт.
Во 37 минута Винисиус одново во шанса, но неговиот удар успеа да го одбрани Трап. Но веќе во наредниот напад капитулираше германската одбрана. Нафрлување во шеснаесетникот на Ајнтрахт, топката дојде до Касемиро кој со глава ја спушти на петерецот, а таму Давид Алаба ја спроведе во мрежата.
Со предност од 1:0 се отиде на полувреме, а во второто „кралскиот клуб“ беше многу поагресивен и подобар на теренот.
Во 54 минута Траш му одбрани шут на Винисиус. Шест минути подоцна Бразилецот шутираше во пречката. Но во 64. минута Бензема му ја олесни задачата на европскиот првак. Французинот од 15-тина метри погоди на асистенција на Винисиус.

До крајот резултатот не се промени и трофејот замина кај фудбалерите на Реал Мадрид.

ФОТО: УЕФА

ПретходноБрeнтфорд ја најде замената за Ериксен
СледноБензема e втор на вечна листа на стрелци кај Реал Мадрид

ПОВРЗАНИ СОДРЖИНИПОВЕЌЕ ОД АВТОРОТ