Новак Ѓоковиќ и официјално се откажа од настап на АТП турнирот во Синсинати, кој е закажан од 13 до 21 август. Овој Мастерс турнир традиционално е завршна подготовка за тенискиот грен слем УС Опен.
Ѓоковиќ го пропушта овој Мастерс бидејќи не е вакциниран, па не може да влезе во САД.
🚨 Official: Novak Djokovic is out of Cincinnati Masters.
Doesn’t smell good for US Open… https://t.co/iAnw0ZrwWG
— We Are Tennis (@WeAreTennis) August 12, 2022
Ова е четврти Мастерс сезонава што Новак ќе го пропушти, а претходните три беа во Индијан Велс, Мајами и Монтреал. Покрај тоа, тој не можеше да настапи ниту на Австралија опен, бидејќи беше депортиран од Мелбурн.
Србинот во својата кариера двапати ја освои титулата во Синсинати, а уште пет пати беше во финалето.
Утеха за Новак е што нема да загуби ниту еден АТП бод, бидејќи лани не учествуваше ниту во Синсинати.
Сега прашање е дали Новак ќе може да игра на УС Опен, кој е на програмата од 29 август до 11 септември.
