Барселона вечерва ја отвора новата сезона во Ла Лига со меч против Рајо Ваљекано. Каталонскиот гигант успеа да ги регистрираа сите нови играчи освен Жил Кунде.
Раководството на клубот нема право да го регистрира стоперот затоа што не можат да го оправдаат неговото внесување освен ако не продадат некого или некој не се согласи со намалување на платата. Пријавени се Левандовски, Кристенсен, Кесие и Рафиња. Ова значи дека сите овие фудбалери ќе бидат во комбинација за настап против тимот на македонскиот репрезентативен голман Столе Димитриевски, кој е пријавен како стартер за оваа средба, па ќе има тешка задача.
Кунде се очекува да биде пријавен следната недела, тој поради недоволна физичка подготвеност нема предност во однос на останатите фудбалери.
