По поразот од Брентфорд со 4:0, менаџерот на Манчестер Јунајтед Ерик тен Хаг на денешниот тренинг им приредил на фудбалерите изненадување. По завршување на тренинг сесијата им вовел и екстра тренинг – трчање во должина од 13,8 километри.
Зошто точно таа бројка? Затоа што фудбалерите на Брентфорд истрчале 13,8 километри повеќе од играчите на Јунајтед за време на вчерашниот меч од 2. коло на Премиер лигата.
Јунајтед запиша два порази во првите две кола во Премиер лигата што е разочарувачки старт за екипа која цели на врвот.
