Академија Пандев денеска и официјално ги потврди новите засилувања, Мите Цикарски и Бојан Најденов. Како што објави СПОРТМЕДИА, тие ќе бидат уште две нови имиња во составот на струмичани во обид да се засили ростерот за сезоната која штотуку започна.
29-годишниот лев бек Цикарски во редовите на Академија Пандев доаѓа како слободен фудбалер, додека 30-годишниот Најденов доаѓа како искусно име во средниот ред, кој минатата полусезона ја помина во Црна Гора како фудбалер на ФК Искра.
