Одличен потег на раководството на Шкупи. Имено одлучено е билетите за првиот меч од плеј-офот во Лигата на Конференции против Балкани да чинат по симболични 100 денари. Истите од денеска ќе можат да се набават на неколку локации во Скопје, а некои од нив се во Сити Мол, Ист Гејт, Рамстор, потоа на стадионот на Чаир и на други места.
Како што е познато натпреварот се игра во четврток (18 август) на Националната Арена “Тодор Проески“ во Скопје со почеток од 21 часот. Реваншот се игра следниот четврток во Косово каде Балкани ќе биде домаќин.
Секако дека чаирчани се пред пишување на историјата. Во случај на севкупен триумф над Балкани, Шкупи ќе игра во групната фаза во Лигата на Конференции.
