По целата рашомонијада со заминувањето на Роналдо од Манчестер Ј., угледниот британски весник „Тајмс“ излезе со информација дека шпански Атлетико Мадрид има интересна понуда за „црвените ѓаволи“ во обидот да се ослободат од португалската ѕвезда.
Според весникот, Атлетико (М) е подготвен да понуди размена во која Англичаните можат да бираат меѓу Алваро Мората и Антоан Гризман во замена за Кристијано Роналдо. Засега нема детали за евентуални преговори, но со оглед на тоа што веста доаѓа од сигурен извор, нема да изненади реализација на ваква трампа.
