Француска Ница по се изгледа ќе биде новиот клуб на славниот бразилски бек, Марсело. Ница ги засилува напорите да го ангажира искусниот бразилски бек, а според добро упатени извори во Франција, управата на клубот е во преговори со агентот на 34-годишниот фудбалер кој го напушти Реал Мадрид како слободен играч по завршувањето на сезоната.
Ница не е единствената која се интересира за Марсело, бидејќи за негово купување се ангажирани и управите на Олимпик Марсеј, Монца, Лацио, Лион и некои турски тимови.
