Македонската тениска сензација Калин Ивановски обезбеди место во финалето на ИТФ фјучрс турнирот во Монастир, Тунис. Тинејџерот го победи Сирил Вандермерш од Франција со 2:1 во сетови 6:7, 7:5 и 7:6. Вандермерш важеше за втор носител на турнирот во Тунис.
Ивановски на патот до финалето освен што го елиминира Вандермерш, беше подобар и од Николај Неделчев од Бугарија, Едуард Вилослада од Франција и Метју Делаведова од Австралија.
Во финалето Ивановски ќе игра против Азиз Кијаметовиќ од Босна и Херцеговина.
