Младата кошаркарска репрезентација на Македонија за играчи до 16 години го заврши Евробаскетот во Скопје на 12. место. Во последниот меч од разигрувањето, нашата селекција загуби во битката за 11. позиција од селекцијата на Полска со 71:68.
Во интересен и до крај неизвесен дуел, Полјаците имаа повеќе нерви во завршницата и успеаја да дојдат до победата. За Македонија ова беше петтиот пораз во седмиот одигран меч на првенството.
Лазарев постигна 13 поени за нашата репрезентација, додека по 11 уфрлија Величковски и Зетов. Во селекцијата на Полска со 22 поени најефикасен беше Баганц.
