Екипата на Македонија Ѓорче Петров ја впиша првата победа сезонава во ПМФЛ откако во 3. Коло ја совлада Победа со 4:1. Избраниците на Муарем Бајрами ја оправдаа фаворитската улога против прилепската екипа и ги освоија првите бодови.
Во шестата минута „Лавовите“ поведоа со голот на Сефер Емини кој со ефектен волеј ја прати топката во мрежата. Но Победа возврати со гол на Мазари во 17. минута што беше и прв гол на Победа во новата сезона.
Од 34. До 38. Минута „лавовите“ преку Стојкоски и уште еден гол на Емини зголемија на 3:1 и го трасираа патот до победата. Во 79 минута летното засилување Еду Мена Перез стрелаше за конечни 4:1.
Победа има три порази досега и идното коло ќе игра со Шкупи во гости, а Македонија ќе се соочи со Брегалница во гости.
