Одличен настап и убедлива победа на фудбалерите на Македонија ЃП во дуелот со Победа, инаку прва сезонава во ПМФЛ. Избраниците на Муарем Бајрами, конечно, заиграа како што треба па по поразот од Шкупи во претходното коло, сега успеаа да ги грабнат бодовите.
Емини два пати ја погоди мрежата на прилепчани, еднаш стрелаше Стојкоски. „Лавовите“ во наредното коло ќе имаат посериозна задача затоа што гостуваат во Штип против незгодната Брегалница.
