Челзи се уште не се откажал од евентуалното доаѓање на Пјер-Емерик Обамејанг на Стемфорд Бриџ. Десет дена на големо се шпекулира дека е главната цел на премиер-лигашот, а Габонецот сериозно размислува да ја напушти Барселона по само половина година.
Тој во каталонскиот гигант дојде на крајот на јануари и одигра одлична полусезона, но со доаѓањето на Роберт Левандовски работите се променија.
Барселона е заинтересирана да го ослободи Обамејанг, но за него ќе бара 25 милиони евра, што пак е одлично завршена работа ако се знае дека тој дојде без обештетување.
Сепак навивачите на Челзи не се најсреќни што ќе заигра за нивниот тим. Познато е дека одигра неколку сезони со голем успех за градскиот ривал Арсенал, каде беше и капитен, па затоа навивачите на Челзи не се многу среќни што клубот сака да го купи. А од пред неколку дена излезе фотографија на која може да се види дека има тетоважа од Арсенал.
Aubameyang could really be playing for Chelsea with an Arsenal tattoo on his arm 😅 pic.twitter.com/TuJZRg1X9j
— ESPN FC (@ESPNFC) August 18, 2022
Оваа тетоважа беше во центарот на вниманието пред неколку месеци кога Обамејанг играше за Барселона, но на навивачите на каталонскиот клуб не им пречеше што Габонецот има тетоважа на друг клуб.
Сепак, јасно е дека навивачите на Челзи на тоа гледаат на сосема поинаков начин бидејќи за нив Арсенал е еден од нивните најголеми ривали. Дали челниците на Челзи ќе се предомислат и ќе се откажат од Аубамејанг како што бараат навивачите, останува да видиме.
