Макаби Хаифа се пласираше во Лигата на шампионите со автогол на Ц. Звезда во 90. минута на мечот во Белград синоќа. Во Израел владее еуфорија, медиумите го слават успехот, а на Макаби му честитаат ривалите од Лигата и водечките политичари во земјата. Сега сите ја чекаат ждрепката, а желбата на играчите е да играат со најдобрите.
Макаби Хаифа ќе игра во групната фаза на Лигата на шампионите за првпат од сезоната 2009/10. Тоа е и првиот тим од Израел кој игра во оваа фаза од турнирот од сезоната 2015/16. Не е ни чудо што израелските медиуми го слават успехот на својот фудбал и се во еуфорија, нарекувајќи го пласманот во групната фаза на Макаби Хаифа – Историја!.
На прашањето кого сакаат да добијат за ривали на утрешната ждрепка, од израелскиот клуб едногласно: „Сакаме атрактивна ждрепка за публиката во Израел.
„Сакам група на смртта, тоа би можеле да бидат Пари Сен Жермен, Ливерпул и Борусија (Д). Сакам Меси и Нејмар да се вратат во Израел“, изјавил тренерот на Макаби Х., Барак Бечер.
