Македонската кошаркарска репрезентација по првото полувреме на гостувањето кај Данска во рамките на првиот преквалификациски меч за пласман на Европското првенство 2025 година има водство од 29-34.
Противникот поведе со 5-0 на стартот, на другата страна на нашите момци им требаше време да влезат во ритам, па нешто подоцна израмнија на 9-9 (6 поени на Нено, три на Јакимовски). Сепак првата четвртина заврши во корист на Данска (18-14).
Следниот период, Македонија го отвори со серија 1-11 и поведе со 19-25 во 14 минута. Данска се врати дојде на минус еден 24-25, но Димитријевиќ, Војдан и Стојан зголемија на 24-31. Токму од овој момент, данската репрезентација со серија од 5-0 дојде на минус два, ги казни нашите грешки и промашувања, конфузија во играта.
После подолго време најефикасниот кај нас Димитријевиќ постигна тројка за 29-34 на полувремето. Нено има 15 поени и четири асистенции, пет поени има Војдан, додека четири Стојан Ѓуроски.
