Тимот на Силекс дефинитивно е едно од изненадувањата на стартот на оваа сезона. По три кола Кратовци сеуште немаат пораз имаат две победи и реми, и се на самиот врв на табелата. Покажуваат сериозни амбиции, но формата мора да биде константна, а резултатите во континуитет.
Токму затоа Силекс денеска од 16:00 часот на домашен терен има задача да стигне до четвртата победа во оваа кампања, и тоа против тимот на Академија Пандев.
Струмичани пак по инаа импресивна победа на Арената против Работнички, загуби на домашен терен од Шкендија со 0:1, па сега во Кратово ќе бара рехабилитација на резултатски план.
Ова воедно ќе биде првиот дуел од ова четврто коло во кое утре се среќаваат уште и екипите на Брегалница – Македонија ЃП, Скопје – Шкупи, Работнички – Тиквеш и Шкендија – Струга Трим Лум.
