Македонската женска кадетска репрезентација со пораз го заврши Европското првенство „Б“ Дивизија кое се одржува во Подгорица. На последната средба нашите кошаркарки беа совладани од Луксембург со 59-51. Македонија овој шампионат го заврши на претпоследното место, со само една победа против Црна Гора и пет порази.
Противникот ги доби првите три четвртини, од кои во воведните десет минути беше подобар со 22-15. Во последниот период, Македонија беше подобра со 9-12, но тоа не беше доволно за пресврт.
Зара Стојковска со 20 поени беше прв стрелец кај „црвено-жолтите“, зад неа беше Николиќ со 12 поени и 8 скока.
