УЕФА денеска и официјално го објави комплетниот распоред на групната фаза од Лигата на шампионите за сезоната 2022/23.
Првите натпревари ќе се одиграат на 6 септември, а веќе на стартот ќе го имаме и првото големо дерби: Пари Сен Жермен – Јувентус. Во исто време во Милано силите ќе ги одмерат Интер и Баерн, а еден од поинтересните дуели од првото коло ќе биде натпреварот меѓу Наполи и Ливерпул.
Фудбалерот на бугарска ЦСКА Софија, Георги Јомов е привремено суспендиран во период од 90 дена, откако бил позитивен на допинг тест направен по мечот со Македонија ЃП во Конференциската лига.
Како што објавија од ЦСКА (С) ги информирале дека на 25 август, неколку часа пред натпреварот со Базел, ЦСКА добила писмо од Антидопинг комисијата на УЕФА за откриено присуство на забранета супстанца во примерокот на Јомов даден на 28.07. по домашниот меч со Македонија Ѓорче Петров.
