Откако доживеа невиден дебакл изминатиот викенд во Премиер лигата и загуби од Ливерпул со 9:0, тимот на Борнмут му врачи отказ на досегашниот тренер, Скот Паркер.
Ова беше трет пораз на тимот во серија, во кој има гол разлика од 0:16 по што беше јасно што ќе се случи со досегашниот менаџер.
„Му се заблагодаруваме на Скот за неговата работа и за кам бекот во Премиер лигата што е исклучително голем успех. Сепак, за да продолжиме со добрите резултати ќе мора да имаме иста визија. Оваа одлука е во таа насока“ – изјави претседателот Максим Демин. Клубот засега ќе го води помошниот тренер Гери О’Нил.
