Легендата на Арсенал и францускиот фудбал Тиери Анри од сега е акционер во италијански Комо и ќе биде косоптвеник. Веста беше соопштена на специјална прес-конференција на која присуствуваше извршниот директор на клубот и поранешен капитен на Челзи, Денис Вајс.
„Ова е нов чекор во мојот живот. Знам колку луѓето овде го сакаат фудбалот. Многумина доаѓаат да го видат езерото и прекрасниот град, но сега сакам да зборувам за фудбалскиот проект. Долго чекав таква можност. Комо има амбиции и што е најважно, ги дели истите вредности како мене. Ова не е само фудбалски клуб, туку структура која му помага на општеството“, рече Анри.
Тој додаде дека ќе продолжи со работата како помошник селектор на белгиската репрезентација.
