Македонскиот репрезентативен стопер, Дарко Велковски, кариерата ќе ја продолжи во Ал Етифак од Саудиска Арабија. Велковски потпиша договор до јуни 2024 година и на Блискиот Исток оди откако во претходните четири сезони настапуваше за Ријека.
„Нашиот нов командос!“ – се вели во официјалната објава од Ал Етифак како промоција на Дарко Велковски, во објавата заедно со видео-инсерти од најдобрите минути на македонскиот репрезентативец низ досегашната кариера.
