Попладне од 16 часот се играат пет натпревари од 5.коло во ПМФЛ, Брегалница е слободна ова коло.
Дербито се игра во Струга, каде се среќаваат лидерот Струга ТЛ и Силекс. Две екипи кои досега покажаа, посебно стружани, квалитет и две екипи кои досега кои досега се без пораз, па играат првиот и вториот на табелата, нормално ова да е дерби. Секако Струга ТЛ посакува нова, петта победа во серија.
Супер интересно ќе биде во Кавадарци, каде Тиквеш и спрема „пекол“ на Шкендија. И двете екипи во минатото коло беа поразени, и двете екипи се пред голем императив. Тетовци се фаворити на хартија, но Тиквеш кога игра пред своите фанови е сосема некој друг тим. Тука во „игра“ е секој резултат како исход.
Во Ѓорче се среќаваат старите ривали Македонија ЃП и Работнички. Треба да се види дали гостите од Градски парк навистина излегуваат од кризата или пак одличниот настап и победа против Тиквеш во минатото коло беше само случајност.
Академија Пандев и Шкупи како домаќини се големи фаворити против Скопје и Победа. Секој резултат освен победа на домашните ќе биде голема сензација, ќе имаат ли сила Скопје и Победа до сензација. Само овие две екипи досега немаат освоено ниту бод.
ДВОЈКИ ЗА 5.КОЛО – ДЕНЕСКА (16 Ч)
Кавадарци: ТИКВЕШ – ШКЕНДИЈА
Струга: СТРУГА ТЛ – СИЛЕКС
Струмица: А.ПАНДЕВ – СКОПЈЕ
Скопје: МАКЕДОНИЈА ЃП – РАБОТНИЧКИ
Скопје: ШКУПИ – ПОБЕДА
БРЕГАЛНИЦА (слободна)
