И официјално, нашиот репрезентативец Стефан Спировски својата кариера ќе ја продолжи во Пјуник, во најдобриот клуб во Ерменија. Она што се најавуваше и се оствари. Пјуник доби одличен играч за врска, а таму ќе го пречека Марјан Радески, кој за Пјуник потпиша пред неколку месеци.
Спировски и Радески ќе му помогнат на Пјуник да одигра квалитетни натпреври од групната фаза во Лигата на Конференции.
Спировски има богата кариера, посебно интернационална а беше дел и од оној супер – тим на Вардар кој пред пет години избори пласман во Лигата на Европа. Секако дека е стандарден репрезентативец на Македонија веќе подолго време.
