Тимот на Вардар за прв пат сезонава не успеа да обезбеди победа во рамките од ВМФЛ Шампионатот. На гостувањето кај Детонит во Радовиш, Вардар одигра 1:1 и мораше да се задоволи само со бод.
Откако во првиот дел Николоски обезбеди пенал, Мицевски беше сигурен реализатор. Сепак, во вториот дел, по катастрофалната грешка на одбраната на Вардар, Андонов погоди за израмнување. До крајот на мечот, Вардар не создаде ситуација за ново водство, а домаќинот секако дека е презадоволен од ваквиот исход.
Тимот на Пелистер пак со голот на Дуков успеа да победи на тешкото гостување кај Аресими со минимални 0:1.
Резултати:
Детонит Плачковица – Вардар 1:1
Пехчево – Слога Виница 0:0
Борец – Тетекс 2:4
Каменица Саса – Воска Спорт 0:4
Беса – Гостивар 1:1
Аресими – Пелистер 0:1
Охрид – Кожуф 0:0
Караорман – Беласица 3:1
