Алја Томљановиќ ја совлада Серена Вилијамс со 7:5, 6:7, 6:1 во епски меч од 3. коло на УС Опен и со тоа ја заврши кариерата на најголемата тенисерка во историјата. Австралијката одигра неверојатен меч пред 30.000 луѓе успеа да ја разбие Серена во третиот сет.
Вилијамс сервираше за првиот сет при резултат 5:3, но Томљановиќ за десет минути нанижа четири гема и успеа да го сврти сетот и да ја замолчи публиката. Но, Серена одговори на ист начин. Таа брзо поведе со 4:0 во вториот сет, а потоа во 15-минутна маратонска игра со водство од 5:2, пропушти четири сет топки, а потоа повторно загуби сервис за сетот.
Во тај-брејкот водеше со 4:1, Томљановиќ стигна до 4:4, но потоа Серена одигра фантастични три поени и успеа да израмни. Кога Вилијамс направи брејк во првиот гем од третиот сет и имаше 40:15 на сервис, се чинеше дека Томљановиќ нема да се врати.
Сепак, одговорот на Австралијката беше неверојатен. Томљановиќ нанижа пет гема, а Серена го даде последниот отпор во последниот гем од мечот. Пред поразот, Серена спаси пет меч топки на неверојатен начин, а потоа пропушти две брејк топки. По мечот, Серена многу брзо се расплака, бидејќи ова беше нејзиниот последен меч во кариерата.
Serena Williams went out like a Champion. And her post-match interview was one of the most beautiful things you will ever see. Sound up. ❤️ pic.twitter.com/tvf9VT9U7i
— Don Lewis (@DonLew87) September 3, 2022
Ако навистина ова е крајот, 40-годишната Серена Вилијамс ќе се повлече со 73 индивидуални титули, 23 грен слем титули и четири олимписки златни медали. Таа помина 319 недели на врвот на ВТА ранг-листата, а само од турнири заработи 94 милиони долари. Нејзиниот последен рекорд во кариерата е 858-155.
