Атлетик Билбао е поразен на домашен терен од Еспањол со 0:1 во рамките на 4. коло на шпанската Ла Лига. „Лавовите“ од Баскија го впишаа и првиот пораз сезонава по ремито со Мајорка и двете победи против Валенсија и Кадиз.
Од друга страна Еспањол ја запиша првата победа по ремито со Селта во 1. коло и двата порази од Рајо Ваљекано и Реал Мадрид.
Инаку стрелец на голот за тимот од Барселона беше Мартин Брајтвајт во 83. минута. Тоа е играчот кој во Еспањол дојде пред неколку дена од локалниот ривал од „Ноу Камп“.
Инаку за Атлетик настапи Ињаки Вилијамс. Тој се повреди минатата недела и се чинеше дека ќе стави крај на серијата од едноподруго настапи во Ла Лига, меѓутоа стисна заби и излезе на терен и така го впиша 237 настап по ред во шпанскиот шампионат.
