Шпанскиот тенисер Рафаел Надал се пласираше во осминафиналето на УС Опен, откако во три сета беше подобар од Французинот Ришар Гаске со 3:0 (6:0, 6:1,7:5).
За разлика од претходниот дуел против Фоњини, во кој се мачеше да најде адекватна игра во првите два сета, Шпанецот сега практично го понижи својот ривал и му дозволи да победи само на еден гем – во средината на вториот.
Публиката, која до тој момент му беше верна на Надал, малку се сврте и се обиде да го бодри Гаске за да има поинтересен меч. Французинот во третиот сет успеа да ги врзе четирите последователни гема.
6-0, 6-1 Rafa pic.twitter.com/KAXeqrPc1y
— US Open Tennis (@usopen) September 4, 2022
Поведе Гаске со 5:4, по брејкот во четвртиот гем, но едноставно не можеше да се врати во мечот. Надал повторно одигра посигурно, врза три гема со брејк и отиде во следната рунда каде го чека 22. играч во светот Тиафо.
